經過上次的經驗,依個芒果布丁肯定成功的,居然收到2個啊打
但個裝飾就認真要執執。
郡主生日就緊係要做個好野上貢,我集合左2個食譜試下:
組成: 芒果布丁蛋糕底+芒果+香檳沙巴翁
本來想加多層用芒果果膠做嘅果膠,但...又一次..諸多原因無做到...
食譜:(7“蛋糕)
布丁蛋糕:
孖芝蓮 50 g 牛油 50 g 糖 90 g
蛋 2隻 低筋粉 110 g 牛奶 60 g
Poppy Seeds 5g 芒果 2個 雲厘拿油 少許
1.將孖芝蓮+牛油+糖攪播拌至奶白色
2.蛋分幾次加入,再加雲厘拿油
3.加入低筋粉 (加粉後就輕輕拌均,不要過度混合)
4.加奶+poppy seeds
5. 最後加入芒果粒(約半個)
6. 平滑表面,用熱水焗25分鐘 200度
7. 蛋糕放涼,待用
沙巴翁:
香檳 100 g 蛋黃 1個 糖 40 g
魚膠片 5g 淡忌廉 200 g
A)
1.浸軟魚膠片待用
2. 打散蛋黃,加入1/3香檳,攪渾
3.再加入餘下的香檳 + 糖
4.用大火隔水加熱,一邊攪拌至起小氣泡即可離火
5.加入魚膠片,用打蛋噐打至融化
6.放涼,待用
B)
1. 用高速將忌廉打至下垂有勾子
2. 將(A)同忌廉混合
3. 取出蛋糕在面放一層芒果(多少隨意)
4. 然後再放上沙巴翁(B)
5. 放入雪櫃冷涷一晚
因香檳甜甜地所以我減左D糖,除非D芒果好酸就加多D糖
食譜:
烘焙教室 by Louisa Ho
四季甜點 by 高木康政
勁,兩位名師的食譜CrossOver ,唔怪之得,超好味!昨晚老闆娘食佐兩叉,唔捨得食 ,留為今晚的甜品!沙巴翁,有香檳味,I like it!
回覆刪除[版主回覆03/03/2009 23:03:00]你地鐘意就好啦。 老闆,今朝我一返到公司, 我D同事己經讚你個Classic Chocolate Cake 有幾好食,又問個頂係米忌廉?個朱古力好好味,味道有夾好豐富,總之就好過街果D多多聲,足足讚左10幾分鐘。 我有個提議,不如我同你互換公司啦!!
好靚呀!!!!!!!!!! 我得閒會過來偷師 ................. 哈哈
回覆刪除[版主回覆03/03/2009 23:06:00]我都係學緊野咋,多D黎睇吓呀。 我都會成日去你處。
嘩...原來咁複雜架,見到個menu都有啲頭暈 ,好感動呀 。不過真係好好味,小公主第一啖已經呱呱叫:好好味呀 。連工人姐姐都讚不絕口,佢仲問: 真係nicole整嘅,幾唔相信呀,笑死我。
回覆刪除係到真係要講多次....多謝多謝多謝多謝
[版主回覆03/03/2009 23:21:00]做吓做吓又唔覺煩喎,超好玩,最緊要你地鐘意。 小公主鐘意,陸續有貢品送上。 琴日比個餅Judita時,佢躲在樹後面扮 i i , 見到我先行出黎,仲鬼咁怕醜
唔記得一提,好鍾意你個模,好特別
回覆刪除[版主回覆03/03/2009 23:22:00]個模我係樂富10蚊店買架,一套2個,係米好抵呢。
但個裝飾就認真要執執。...........好大進步好靓呀!
回覆刪除[版主回覆03/03/2009 23:25:00]我會努力架喇 ,依2次都叫做有D進步呀??? 比多少少分啦。
好靚呀,睇到都想食
回覆刪除[版主回覆03/03/2009 23:27:00]多謝。 你依排少左post blog, 身體好番D未?
wah, 好似好好食o甘wor
回覆刪除[版主回覆03/03/2009 23:30:00]都真係幾好架,個沙巴翁好好味。 你都做個幾個雪芳,媽咪好番D未?
Nice job !!!
回覆刪除[版主回覆03/03/2009 23:32:00]You too!!! 鮑鮑
整得好靚~ YY講得0岩﹐整得多先能做出好既野。繼續努力﹗ =D
回覆刪除多謝你到訪我blog. =)
個盆好靚 , 邊度有得買??
回覆刪除