mango pudding cake

今日好心急, 第一時間放工衝返屋企, 整個芒果焗布丁, 依個餅係我買第一批蛋糕書的時間已經好想整, 但果時根本就無能力, 經過幾個月的累積經驗, 有些少信心可以完成, 碰啱又有芒果買, 就完成我的小小心願 .

依個叫就叫布丁, 其實似餅多d, 但食起黎包含左蛋糕同布丁的優點, 有蛋糕的軟軟的質感, 布丁的豐富味覺, 但無布丁的滑滑豬豬 jelly feel.

完成品應該有一塊薑餅插係餅面做裝飾, 但我無做到, 就係清清地..... 寡寡地...

(其實係懶)

睇下睇都唔係好過得我眼, 就將上圖的布丁, 又加d芒果同忌廉, 變左以下長方布丁

唔!!!!! 好好多.... 但仍有好大的進步空間....

食譜:  烘焙餅房 by Louisa Ho

Lemon Slice, Black Pepper Cheese Muffin by 炸雪糕專門店老闆

食神今日 出倉

雪糕老闆終於開工啦....  比左 2種新產品我試

Lemon Slice (未知正確名稱, 一陣要睇 老闆的blog先確實)

Black Peper Cheese Muffin

第一時間, 睇到個 muffin 就已經唸住留番聽日早餐食....

Lemon Slice - 唔, 好香檸檬味, 小小酸, 有d custard 嘅質地, cookie 底好香 - 最鍾意食酸酸甜甜濃濃稠稠的味道, 老闆總共比左我  4行16件, 我就係 取貨後 10分鐘內 已經食左 7件, 一件比 1號食 (佢唔好甜, 重要酸, 佢更加 say no, 唔識貨....傻仔)..... 超正...., 剩下的8件

Muffin 就今朝做左早餐喇, 好香胡椒 同 芝士味, 重有d Theme 香草, 好恰, 每一啖都好香,好得意喎幾樣咁強烈的味道, 放在一齊又濃郁又夾.... 老闆好野.....

美式曲奇 (附加食譜)

下午同郡主傾電話時都話左做個士多啤利忌廉蛋糕, 但發覺屋企個盒士多啤利有部份已變樣, 我檢查吓又食吓, 食吓食吓都唔夠整個餅, 算... 下次再做, 百無聊賴整d簡單架啦...... 唸起想做依個 美式chewy 曲奇好耐, 就今日試吓.

成日都反反覆覆想放個食譜上黎, 但又好懶.  (加左啦......)


食譜 (約15件)             

無鹽牛油  100g      人造牛油  20g    

黃糖  30g             糖   30g             鹽   少許   

蜜糖  15g                雞蛋  25g

發粉  2g                  麥片 60g            低筋粉  110g        杏仁粉 20g

開心果  40g *          提子乾  30g*     



預備:         

a)     室溫牛油及人造牛油,

b)    過篩麵粉過篩

c)     將開心果切碎

d)    預熱焗爐 180度

1)     將 牛油及人造牛油 與糖, 黃糖, 鹽拌勻

2) 分2次加入蜜糖, 再分2次加入雞蛋

3) a) 用另一個碗將麵粉, 麥片, 杏仁粉, 開心果, 提子乾拌勻

     b) 再倒入(2)中, 以切拌方法將材料拌勻

4) 分成每份約20g, 再略為壓平

5) 放入焗爐180度 焗14分鐘



*可按自己的喜好的乾果及果仁加減

blueburry cream cheese muffin

我好鐘意Ｄ食物就係細細碟但又有著唔同嘅味道同口感，咸咸甜甜一齊食都係我最鐘意的，最好就係食完一Ｄ咸點又食甜嘅，又可以食下酸，單一味道的食物我唔‘好‘。

今次做完個藍苺鬆餅在上面加左Cream Cheese，唔好以為Cream Cheese 真係好咸，我將Ｄ芝士加左Ｄ糖霜＋小小vanilly 油再打到滑滑咁，唧花再入爐焗到濃濃地。

食的時候同時有甜甜鬆軟的鬆餅亦有滑滑微咸的忌廉芝士，好豐富。

lemon meringue pie 檸檬批

郡主近排太多官宴食到膩晒, 想食平民小點平衡下, 點名要食 檸檬批,

Oh, it's my honour.

因為未做過, 所以就唸住做2個, 一大一細, 試左味先再上貢.

第一次做 馬令, 初初睇d步驟好似好繁複, 但按步就班慢慢做又幾好玩喎, 見住個牛奶糊突然變成黏稠狀, 好有趣..... 記得上次同郡主整 puff時都好似有類似情況, 但無今次咁有現場感...

試下味先 .....嘩...    即時唸起郡主排金牙.... 佢一定罵我...

即時打個報告, 最後結果係．．．今日入宮做 Finishing (蛋白重勁糖)

咁, 我又試下我的批仔，ｅ．．．Okey喎．．酸就酸ｄ但同批皮一齊食就都幾好呀....

american cheese cake

整個 林同學鍾意食的芝士蛋糕,  係Element 牡丹食Lunch, Fusion上海菜, 地方舒適, 食物okey +.

雖然短短2個鐘, 講的話題本來唔係開心野, 但唔知點解我走的時候, 又開心又好放心, 林同學 - "佢"又加左分, 下次打波我會識做.

我用 低溫130度 焗 左90分鐘, 所以個蛋糕面就無濃及保持鮮黃色, 好幹淨, 好平和. 而餡料就用左 Lactos Cheese (文華芝士) +乳酪+忌廉, 味道一d都唔悶膩, 重好軟滑添.

靚相

１號成日話我Ｄ相好唔掂，影相無天份又無技巧，

特登買左２本雞精比我惡補。

補時補，又睇下我係唔係虛不受補！！！！

chocolate strawberry cake

今日外勤+晚飯, 19:20已經返到屋企, 即時洗面, 換衫, 開工.

睇食譜的時候已經覺得個程序好似有d問題, 點解會 打蛋+糖 起泡後 就即時落粉, 再打.. + 牛油, 唔理喇就照做, 吓.......點解打極都唔起, 水流流嘅, 都知有事,唉, 焗左先算, 180度15分鐘......

出爐.......一d都升唔起, 成塊飛碟咁

唔憤氣, 再做過, 重新睇過食譜, 原來真係睇錯, 人地話 :  要打完蛋漿 落粉 + 牛油 (跟 p.xxx 程序 7 - 9), 就係睇少幾隻字, 以為好醒就衰左.

第2次的成績, 色香味都齊全, 加左忌廉同士多啤利重正.

菠蘿蛋卷 egg roll

 要打好基礎，由最基本開始，就由海綿蛋糕開始。