mexican muffin

年初一，休養生息

無無聊聊又到下晝，無mud好做，整左個新款muffin，墨西哥鬆餅。

muffin 皮：低肋粉，麥皮，乳酪，雞蛋等　　　

餡料有：　紅椒，綠椒，chedder cheese, cream cheese, 洋蔥，煙肉

１號不知幾鐘意，猛咁話好食。

食譜：　烘焙教室 Louisa's Bakery by Louisa Ho

自製朱古力

年29上雪糕老闆檔口教我架　﹣　香檳粉紅朱古力，霹靂脆脆

年27老闆娘約我星期六11點，晨早就起左身，執左所有朱古力存貨﹣55﹪，75﹪，白朱古力，榛子粒，但最緊要緊係要攞個盒啦．．．等到10點幾老闆娘食完早點回家電招，即時動身上去。

嘩，老闆，咁好多架工具，模，盤，刀，樣樣野都幾款。

第一款香檳粉紅朱古力，先熔左Ｄ白／粉紅朱古力，調色，上模，成型，入香檳餡，上底皮，加印水紙，再入雪櫃成型，脫模。每個工序都要全神貫注，少Ｄ心機都唔得，以後收到禮物都要細心品嘗，同多謝他地的心意。

第二款係霹靂脆脆，工序少Ｄ，但一樣要小心處理，脆脆的味道好得意，有紅桑子嘅酸，朱古力嘅甜，重帶Ｄ卜卜脆，一粒糖有３隻味重好好味。

因為時間關係，我無得再跟老闆同老闆娘學野，要走先。　老闆老闆娘多謝你，下次有機會再叫我。

我走左，老闆老闆娘繼續開工，做左下面幾款，夜晚送比我地，嘩，超靚，收到你地禮物的人真幸福。　．．哈  多謝。

Cashew Nut Cookies

做個鬆餅外，就做左個cookie,  今日的生活好leisure. 

lemon poppy seed muffin

罌栗子己買左一陣子，一路都醒唔起用佢，今日想整個做法簡單但味道特別Ｄ的鬆餅，就選左依個﹣檸檬蜜糖罌栗子蛋糕。　用檸檬青和汁１個，加10g 罌栗子，100g蜜糖，食落有鬆餅的質感，但味道就好恰當。

張相係我自己一個人影的，我覺得好有水準。　

平時１號都會幫我影相或幫我加工，但依張不經人手嫁。

食譜：餅房手記 by Arron Liu

cream chestnut cake

今日 係新年前最後一日, 放假10日, 超開心.... 日日都有工開.

已計劃左聽日整 曲奇, 蛋糕仔 比屋企人.
星期六去老闆處學整朱古力

依２日都好勤力，做左個栗子忌廉蛋糕。

麵包布丁

今日返到屋企又未有飯食, 就做左個我想整好耐的 麵包布丁.

嘩, 好快呀, 唔洗由量材料 到 入爐 20分鐘攪掂, 200度焗20分鐘完成, 見到個面好似無mud濃, 就焗多10分鐘, 你睇幾呤....., 但食落就有d 實實地... 最衰我無記性, 唔夠濃用火槍都得啦, 無黎醒目. 唉.......

東東

家有 3貓, 東東 (14歲), 菲菲 (3.5歲), ChaCha (2.5歲)

東東由手掌咁大 (約 2個月)帶佢返屋企, 成為家中成員, 至今已14年. 

東東性格外向， 唔怕陌生人 - 有客到訪 必定招呼周到，你一個位, 我一個位， 排排坐，會叫大家唔洗客氣呀！ 當自己屋企得啦！　　 佢又好鬼為食， 最鍾意食香口野， 我地買親麵包返屋企如果唔記得放好， 個包皮就一定比佢食晒， 不過佢會留番個包包比你嘅。　  東東最憎梳毛／抹身， 一做清潔就投訴：「我咁靚， 你重攪我， 你信唔信我 咬你呀嗱!!!!　 你你你你重黎， 抓你架」　.... 呀....

年紀大左無以前的活潑， 身體仍遂漸變瘦弱， 但她依然好精靈， 周屋行， 叫你餵食，換乾淨水飲，重有係例行晚晚都瞓係１號嘅心口一陣，佢自己先至去瞓。　這個星期東東特別貼人, 一瞓就瞓成個鐘......  又食得比以前多.....。

點點滴滴在心頭。

於2009年1月18日早上榮休。

鮮藍莓芝士餅 French Blueberry Cheese

考慮左一陣做唔做  芝士蛋糕呢, 主因假期多, 公司又人少, 無mud食客, 1號又唔食甜野, 但話左跟本書一個一個咁做的, 我又唔想漏做一個......

聽日返工, 新一年新開始, 就慶祝一下啦.

餅面:  藍莓蔣+糖+魚膠粉

餅餡:  新鮮藍莓打成蔣 + Cream Cheese + Fresh Cream + 檸檬青 / 汁

餅底:  消化餅 + 牛油 + 朱古力

影相的時候, 個餅未係雪得好實, 個饀有D鬆散. 

食落味道好清新, 藍莓同檸檬味好濃, 一D 都唔膩口, 全個餅都好夾, 但我 D 裝飾同影相功夫有待改善.