Coffee Mousse Cake 咖啡慕士凍餅 (加食譜)

我同一號食飯的地方，去黎去去都係個幾處，我唸應該唔越過１０間，慣常星期六我地就會去宇津木日本料理食晏，１號就一定係叫佢嘅蔥切吞拿魚腩飯（講你都唔信，佢真係食足１０年，未變過食第二款）重要次次食完都好滿足咁嘅樣，耐唔耐就話: "依世都有得食佢就好囉".......（我都係咁話但有時都可以食吓其他架!!!!!!）。

今日放左工照常都係果處等,一入到去見到一號無晒心機，原來佢唔舒服作感冒, 對住碗飯誓願居然唔想食喎, 又唔食雪糕, ........   佢等我食完就返屋企瞓喇

我重唸住今晚一齊食依個咖啡慕士添.... 唔.... 等聽日啦!!!

食譜

餅底+餅邊:                                   

消化餅  60g                                         杏仁粒  30g                               牛油 50g

手指餅  約15塊

1) 將消化餅+杏仁粒攪拌 加坐溶左的牛油, 攪拌壓於餅模底部, 雪至硬身

咖啡mousse

espresso咖啡2茶匙 (濃淡按自己口味)                                                牛奶 150 ml

煉奶    6湯匙                                     雲呢拿油   少計                        淡忌廉 180 ml       

魚膠片 4g                                              咖啡酒   2茶匙 (濃淡按自己口味)                

 

1)     預備

a)     魚膠片用涷開水浸軟 備用

b)     將淡忌廉打至有軟勾, 放雪櫃待用

2)     將牛奶 + 煉奶混合用中火煮沸, 離火

3)     加入咖啡粉 + 雲呢拿油 + 咖啡酒 攪拌至完全均勻, 放涼約5分鐘

4)     加入已浸軟的魚膠片，攪拌至完全融化 成咖啡奶漿

5)     然後將 (4) 過篩放涼

6)     將已打的淡忌廉, 加入咖啡奶漿輕輕拌勻後放入餅底

7)     雪凍最少4小時就ok



裝飾

1)   食用前加手指餅圍邊 + 餅面加 谷古粉

 

Blueburries Honey Oatmeal 藍莓燕麥蛋糕

上個星期六唔洗返工放全日, 好 relax, 9點幾起身, 睇吓電視 , 食吓早餐 , 睇吓書, 上吓網又到一點, .....買左 3:45戲飛係奧海城睇"百萬富翁", 再去銅鑼灣"鳳城"食飯.... 節目豐富, 時間充裕....

回想一年前公司重未改放銀行假時, 我地公司係放勞工假期, 人地全年放17日假, 我地得11日.... 唉...  年假就由7日續年續年加到14日止, 但唔好咁開心喎, 公司會一次過係新年一齊放大假, 扣你4日年假啫....... 平時如果果個月有5個星期六就慘囉, 其中一個星期六就要返足全日,  (簡直係 60, 70年代的勞工生活係 21世紀出現), 重要日日做到無停手..

究竟點解咁嘅工都有人做, 重要大部份同事一做就超過10年以上啦.... 全因公司唔複雜, 同事的關係好好...多勞多得

雖然工作好忙, 但非常開心, 但依家...人去留空, 各散東西, 留係處的都今日唔知聽日事...

食譜：

低筋粉 ２００g 泡打粉 ３g 玉桂粉 １g

蛋白 １２０ g（約４隻） 糖 ６０ g 紅糖 ８０g 

麥皮 ５０ g  暖水 １００g

油 ８０ g 牛奶 ５０ g 蜜糖 ２０ g

檸檬汁 １０g 藍莓 １００g 

預備

Ａ．將所有粉類攪勻過篩好

Ｂ．蛋白加糖打起至硬

Ｃ．焗爐１８０度預熱

做法：

１．牛奶加入紅糖攪勻

２．加油邊加邊攪拌至糖漿，備用

３．用另一碗加暖水入麥皮攪勻，倒入糖漿（２）拌勻

４．將１／３蛋白加入麥皮漿（３），再加入餘下的２／３蛋白攪勻

５．加蜜糖，加檸檬汁拌勻

６．倒入模

７．加藍莓，１８０度燈焗２５分鐘

Orange Crumble Gateau 香橙金寶餅

我將一個 6"模的份量分成2份 :  6"心型 + 4"圓型 , 圓形的拎番公司, 心形送去皇宮, 郡主回禮請我去高流灣打邊爐，點好意試呀！！！

  

蛋糕組合：　

面 ：朱古力脆脆

餅餡：橙肉忌廉慕士

底 ：黑朱古力＋卜卜米＋花生醬

同事Alex話：好得意，點解咁似細過食個Ｄ積及橙餅！

我就覺得個橙慕士好成功，個慕士用左４１０２新其士橙一個，橙皮，橙肉再加８０ml 橙汁做嘅，聞起黎有橙香，而味道就一Ｄ都唔甜因為只得４０g幼砂糖，食的時候再加上朱古力一齊食，無論食物的質感，味道各有特式，但又唔會一口都甜甜膩膩咁。　

最可惜就係個餅面我失敗左，做出黎的朱古力脆脆好似苦苦地，我無吉士（guts）用，怕佢破壞左個組合，就用現成餅乾代替。

食譜：　（６”餅）

脆餅底

黑朱古力　９０g 卜卜米　５０g 花生醬 ５０g

１．將朱古力用熱水坐溶

２．加入花生醬攪勻，再加入卜卜米拌勻

３．將（２）倒入餅模，再用湯匙壓平

４．放入雪櫃待用

香橙慕士

蛋黃 ２隻 糖 ４０g 淡忌廉 ２００g

牛奶 ２００ml 魚膠片　１０g

橙汁 ８０ml 橙肉／橙青　１個 橙酒 ２湯匙

１．將用冷開水浸軟魚膠片待用

２．蛋黃加一半糖攪拌至白色

３．預備一個煲將牛奶同另一半糖煮滾，然後倒進（１）攪勻

４．再將（２）倒回煲中，邊煮邊攪拌至稠身

５．加入魚膠片（１）快速攪勻，再加入橙汁，橙青，橙酒後待涼

６．打忌廉至有小勾

７．之後將忌廉（６）加入橙糊（５）

８．最後加入橙肉拌勻成橙慕士

９．取出脆餅底，倒入橙慕士（８），再冷涷最少４小時

朱古力脆脆

牛油 ５０g 糖 ４５g

低筋粉 ５０ g 唂咕粉 ２０g

１．預熱焗爐至１７０度

２．將低筋粉，唂咕粉，糖混合

３．牛油切成細粒，再搓入（2）成團狀，包保鮮紙放入雪櫃３０分鐘

４．將（３）搓成粒粒狀，再焗３0分鐘，放涼備用。

組合：

１．待香橙慕士凝固後脫模

２．面加上朱古力脆脆

３．再加上防潮糖霜，完成。

Mango Coconut Chiffon Cake

一到星期六就非常開心返工等放工. 唔想周圍去最好即時返屋企開工,

今日因為個頭實在太乞丐所以要去剪剪, 一去就攪左我成個下晝, 成七點先返到屋企...

本來想整個芒果 xxx 蛋糕, 就著手睇下有乜食譜, 找黎找去都唔岩, 鐘意嘅又缺料!!!

唉... 算啦... 就簡簡單單整左個 雪芳.

酥皮 蘋果批 @towngas

琴日去左 CWB Towngas 學整酥皮, 實習做酥皮蘋果批, 由 Miss 示範就做 火腿芝士酥.

今次係我第2次上 Miss Cinderalla Yau  的堂, 佢嘅講解明快清晰, 她成日都講 先睇左點做後實習, 再寫 notes 先問問題.  其實我最喜歡就係可以全個製成品都係自己一手一腳做, 佢唔會在中間插手, 但有困難時佢會幫你.  實習另我的印象好深, 係我日後睇食譜時都有d影像出現, 好似錄影機咁.

酥皮的製作過程, 比我想像中簡易, 話易唔易, 我依家重記得嘅係, 打打, 滾滾滾, 接2接, 滾滾, 打打打, 接3接, 打打, 滾滾, 再接3接... 完成.... 入饀.... 入爐... 230度 15分鐘, 再 190度 15分鐘 ......香噴噴

Scones by 郡主

約左郡主 拎佢整的 Scone, 本來係係佢屋企樓下取貨, 途中收到佢老公電話叫我上佢屋企食生日蛋糕 ,  緊係好啦.... (又未食飯, 鬼咁肚餓 )

上到去, 一開門郡主發傻問我: 做乜野你上黎嘅, 我話你老公叫我架, (你係米要執下d眼耳口鼻???)

唔理啦, 食緊飯, 即時坐埋檯飲湯, 食雞, Scone + 自製士多啤利占 , 超好味!!!!!

正想食第2舊之際, 郡王打晒眼式口語話有蛋糕食, 呀....完全唔記得,  即刻停手啦....

唯有返歸先慢慢啖 





由小公主 主理的包裝盒, 佢晝左 2個小天使係處飛緊.... 幾靚呀

郡主... Happy Birthday....

飲飽食醉...

mango pudding cake part 2

經過上次的經驗，依個芒果布丁肯定成功的，居然收到２個啊打

但個裝飾就認真要執執。

郡主生日就緊係要做個好野上貢，我集合左２個食譜試下：

組成：　芒果布丁蛋糕底＋芒果＋香檳沙巴翁

本來想加多層用芒果果膠做嘅果膠，但．．．又一次．．諸多原因無做到．．．

食譜：（７“蛋糕）

布丁蛋糕：　

孖芝蓮　 50 g 牛油 50 g 糖 90 g

蛋　　　 ２隻 低筋粉　110 g 牛奶 60 g

Poppy Seeds 5g 芒果 ２個 雲厘拿油　 少許

1．將孖芝蓮＋牛油＋糖攪播拌至奶白色

2．蛋分幾次加入，再加雲厘拿油

3．加入低筋粉　（加粉後就輕輕拌均，不要過度混合）

4．加奶＋poppy seeds

5.  最後加入芒果粒（約半個）

6.  平滑表面，用熱水焗２５分鐘　２００度

7.  蛋糕放涼，待用

沙巴翁：

香檳 100 g 蛋黃 １個 糖 40 g　

魚膠片 ５g 淡忌廉 200 g

Ａ）

1．浸軟魚膠片待用

2.  打散蛋黃，加入1/3香檳，攪渾

3．再加入餘下的香檳　＋　糖

4．用大火隔水加熱，一邊攪拌至起小氣泡即可離火

5．加入魚膠片，用打蛋噐打至融化

6．放涼，待用

B)

1.　用高速將忌廉打至下垂有勾子

2.　將（Ａ）同忌廉混合

3. 取出蛋糕在面放一層芒果（多少隨意）

4.     然後再放上沙巴翁(B)

5. 放入雪櫃冷涷一晚

因香檳甜甜地所以我減左Ｄ糖，除非Ｄ芒果好酸就加多Ｄ糖

食譜：

烘焙教室 by Louisa Ho

四季甜點 by 高木康政