我將一個 6"模的份量分成2份 : 6"心型 + 4"圓型 , 圓形的拎番公司, 心形送去皇宮, 郡主回禮請我去高流灣打邊爐,點好意試呀!!!
蛋糕組合:
面 :朱古力脆脆
餅餡:橙肉忌廉慕士
底 :黑朱古力+卜卜米+花生醬
同事Alex話:好得意,點解咁似細過食個D積及橙餅!
我就覺得個橙慕士好成功,個慕士用左4102新其士橙一個,橙皮,橙肉再加80ml 橙汁做嘅,聞起黎有橙香,而味道就一D都唔甜因為只得40g幼砂糖,食的時候再加上朱古力一齊食,無論食物的質感,味道各有特式,但又唔會一口都甜甜膩膩咁。
最可惜就係個餅面我失敗左,做出黎的朱古力脆脆好似苦苦地,我無吉士(guts)用,怕佢破壞左個組合,就用現成餅乾代替。
食譜: (6”餅)
脆餅底
黑朱古力 90g 卜卜米 50g 花生醬 50g
1.將朱古力用熱水坐溶
2.加入花生醬攪勻,再加入卜卜米拌勻
3.將(2)倒入餅模,再用湯匙壓平
4.放入雪櫃待用
香橙慕士
蛋黃 2隻 糖 40g 淡忌廉 200g
牛奶 200ml 魚膠片 10g
橙汁 80ml 橙肉/橙青 1個 橙酒 2湯匙
1.將用冷開水浸軟魚膠片待用
2.蛋黃加一半糖攪拌至白色
3.預備一個煲將牛奶同另一半糖煮滾,然後倒進(1)攪勻
4.再將(2)倒回煲中,邊煮邊攪拌至稠身
5.加入魚膠片(1)快速攪勻,再加入橙汁,橙青,橙酒後待涼
6.打忌廉至有小勾
7.之後將忌廉(6)加入橙糊(5)
8.最後加入橙肉拌勻成橙慕士
9.取出脆餅底,倒入橙慕士(8),再冷涷最少4小時
朱古力脆脆
牛油 50g 糖 45g
低筋粉 50 g 唂咕粉 20g
1.預熱焗爐至170度
2.將低筋粉,唂咕粉,糖混合
3.牛油切成細粒,再搓入(2)成團狀,包保鮮紙放入雪櫃30分鐘
4.將(3)搓成粒粒狀,再焗30分鐘,放涼備用。
組合:
1.待香橙慕士凝固後脫模
2.面加上朱古力脆脆
3.再加上防潮糖霜,完成。
好掛住你的蛋糕. ............唔知幾時有得食
回覆刪除[版主回覆03/16/2009 13:48:00]SueSue 話3/28黎我處, 你得唔得??? 但未有其他腳.
呢個蛋糕應該叫 "Nicole橙餅"....
回覆刪除點解御用model菲菲無出鏡???
[版主回覆03/16/2009 13:49:00]菲菲有job在身, 唔得閒采我
咦?無得打邊爐?
回覆刪除咁唔該仲有無蛋糕食,咁正請件我食得唔得呀?
[版主回覆03/16/2009 13:53:00]啱啱搵緊試餅員, 請提供個人資料.
好正!點解擺埋花生醬?
回覆刪除4102?好後現代喎 !不如,先試用加2036《靈芝孢子》做餅底 ,再問問 周慕雲 2046年時興唔興呢個做形.....
[版主回覆03/16/2009 13:56:00]落花生醬, 等個餅底唔係淨得個甜味... 無咁寡味
4102....2036.... 2046.... 用黎買六合彩幾好喎....
個蛋糕攞出嚟先之係心形,好sweet呀 ! 比中國人笑死,佢問點解個蛋糕有果皮嘅,嘩嘩....有橙嘅,面係乜........一路食一路問! 咁問佢好唔好食,佢就好似壞左嘅錄音機咁不斷問: 媽咪,你話比我聽點解有果皮呀............. ! 唉....真失禮
回覆刪除[版主回覆03/16/2009 13:57:00]我會比d時間你消化吓, 再餵食.....
嘩 你的製成品越來越靚,我都想試做不過有少少疑問:
回覆刪除請問香橙慕士 的
4.再將(2)倒回㷛中,邊煮邊攪拌至稠身中 "㷛"是什麼呢?
朱古力脆脆的
2.將低筋粉,唂咕粉,糖,黃糖混合 點解多了黃糖?份量又是多少?
3.牛油切成細粒,再搓入(1)成團狀,包保鮮紙放入雪櫃30分鐘 搓入(1)成團狀是不是(2)其實?
4.幾(3)搓成粒粒狀,再焗30分鐘,放涼備用。 幾(3)搓成粒粒狀係焗完先整碎佢定係雪櫃時切粒粒去焗呢?
唔好意思我太多問題因為你整得好好,我又想試下
[版主回覆03/16/2009 14:30:00]Boey, 多謝你呀, 咁細心睇我個blog, 好感動呀..... 多謝, 我已將錯誤改過啦
橙慕士:
4. 係放回煲煮至稠身
朱古力脆脆:
2. 點解有黃糖啦, 就係因為原先個食譜有15g黃糖, 但我覺得甜味唔夠, 就轉晒佢做砂糖, 你唔洗驚個脆脆會好甜, 因為佢有唂咕粉, 反而有d苦苦地. 另小心火路, 焗太耐, 脆脆會濃同好苦..
3. totally correct.
4. 雪左30分鐘後, 先搓成粒粒狀, 再入爐焗.
你試吓, 整完post 上黎睇吓.
Nice cake !!!!!!
回覆刪除唔好咁講啦!我多謝你就真,肯願意與我分享食譜,而且我問問題你有肯答我真係好開心!你整得真係好靚所以想試下囉!
回覆刪除上次我試整過個檸檬批不過個樣好衰所以唔post上網,但都要整兩次因為第一次個個都話酸,第二次就ok啦,
[版主回覆03/16/2009 17:05:00]溫馨提示: 橙青記得要切細D, 如果唔鐘意果皮就唔好落, 因為我有2個食客都問點解有橙皮嘅, 我已經用zester磨,但可能唔夠細,所以....., 但落左又真係好香架...
我覺得個蛋糕都唔難整, 最難係個面D脆脆 crumble, 加左唂咕粉的麵團, 焗左之後就有d苦苦地黑黑地, 都唔知佢係濃定係啱 其實我覺得唔加唂咕粉都得啦, 不過係d顏色無咁特出姐....
今晚手癢, 整乜好啦???