東東

家有 3貓, 東東 (14歲), 菲菲 (3.5歲), ChaCha (2.5歲)

東東由手掌咁大 (約 2個月)帶佢返屋企, 成為家中成員, 至今已14年. 

東東性格外向， 唔怕陌生人 - 有客到訪 必定招呼周到，你一個位, 我一個位， 排排坐，會叫大家唔洗客氣呀！ 當自己屋企得啦！　　 佢又好鬼為食， 最鍾意食香口野， 我地買親麵包返屋企如果唔記得放好， 個包皮就一定比佢食晒， 不過佢會留番個包包比你嘅。　  東東最憎梳毛／抹身， 一做清潔就投訴：「我咁靚， 你重攪我， 你信唔信我 咬你呀嗱!!!!　 你你你你重黎， 抓你架」　.... 呀....

年紀大左無以前的活潑， 身體仍遂漸變瘦弱， 但她依然好精靈， 周屋行， 叫你餵食，換乾淨水飲，重有係例行晚晚都瞓係１號嘅心口一陣，佢自己先至去瞓。　這個星期東東特別貼人, 一瞓就瞓成個鐘......  又食得比以前多.....。

點點滴滴在心頭。

於2009年1月18日早上榮休。